Ադրբեջանն ու Թուրքիան կդատվեն ռազմական հանցագործությունների համար. Թանկյան
«System of a down» խմբի մենակատար Սերժ Թանկյանը Թվիթերի միկրոբլոկում անդրադարձել է Արցախում տեղի ունեցող իրադարձություններին:
«Նույնիսկ Ժնևում ԵԱՀԿ Մինսկի խմբի համանախագահների հետ հանդիպման ժամանակ քաղաքացիական բնակավայրերը չհրթիռակոծելու համաձայնությունից հետո Ադրբեջանը կրկին չպահպանեց իր արտաքին գործերի նախարարի խոստումը և մի քանի ժամ անց գնդակոծեց քաղաքացիական օբյեկտները։ Ադրբեջանն ու Թուրքիան կդատվեն ռազմական հանցագործությունների համար»,- գրել է Թանկյանը։
