Օկուպացիային վերջ տալ, հարգել փոքրամասնությունների իրավունքները. Իրանի ծրագիրը՝ ԼՂ հարցով
Իրանի փոխարտգործնախարար, հատուկ բանագնաց Աբաս Արաղչին մեկնել է Ռուսաստանի մայրաքաղաք՝ Լեռնային Ղարաբաղի հակամարտության խաղաղ կարգավորման իրանական նախաձեռնությունը ներկայացնելու նպատակով: Այս մասին տեղեկացնում է Irna գործակալությունը:
Իրանցի բարձրաստիճան պաշտոնյան Մոսկվա է մեկնել Բաքվից: Ադրբեջանում Աբաս Արաղչին հանդիպել է երկրի նախագահի, փոխվարչապետի, արտգործնախարարի, փոխարտգործնախարարի ու նախագահի քաղաքական հարցերի օգնականի հետ: Հանդիպումների ժամանակ քննարկվել են Լեռնային Ղարաբաղի հակամարտության վերջին սրացումներին առնչվող հարցեր:
Հիշեցնենք, որ Արաղչին կայցելի նաև Երևան ու Անկարա:
РИА Новости-ն էլ ավելի վաղ հայտնել էր, որ Ղարաբաղի հարցում Իրանի ծրագիրը ներառում է. «օկուպացիային վերջ տալը, փոքրամասնությունների իրավունքները հարգելը և խաղաղ բնակիչների և քաղաքացիական օբյեկտների վրա հարձակումը կանխելը»:
