Թուրքիայի սադրիչ գործողություններն անընդունելի են.Ֆրանսիայի ԱԳ նախարար
Թուրքիային մինչև դեկտեմբեր ժամանակ են տվել: Նոր սադրանքների դեպքում Եվրամիությունը կկիրառի պատժամիջոցներ:
Թուրքիայի՝ մշտական բնույթ կրող սադրիչ գործողություններն անընդունելի են: Այս մասին գերմանացի ու լեհ գործընկերների հետ հանդիպումից հետո հայտարարել է Ֆրանսիայի ԱԳ նախարար Ժան-Իվ Լե Դրիանը, փոխանցում է Figaro-ն:
«Պետք է նշել, որ Թուրքիան մշտապես դիմում է սադրիչ գործողությունների, ինչն անընդունելի է: Մենք ցանկանում ենք, որպեսզի Անկարան բացատրի իր դիրքորոշումը»,-ասել է ֆրանսիացի պաշտոնյան՝ մեկնաբանելով Միջերկրական ծովի արևելյան հատվածում Թուրքիայի գործողությունները:
Խոսքը, մասնավորապես, վերաբերում է թուրքական նավերի՝ հունական ջրեր մտնելուն, որտեղ դրանք գազ են որոնում:
