Ռուսաստանի Պետդուման գնահատել է Արցախի ԱԺ-ի կոչը՝ ստեղծել Հակաահաբեկչական համատեղ կենտրոն. այս պահին դա անիմաստ է
Ինչպես արդեն հայտնել ենք, Արցախի ԱԺ-ն կոչով դիմել է ՌԴ և Իրանի իշխանություններին՝ ստեղծել Հակաահաբեկչական համատեղ կենտրոն:
ՌԴ պետդումայից արձագանքել են կոչին՝ մասնավորապես նշելով, որ դա այս պահին իմաստից զուրկ է, քանի որ
այդկերպ կարող է զուր անցնել Մոսկվայում սկսված երկխոսությունը: Այս մասին, ինչպես հայտնում է ՌԻԱ Նովոստին, հայտարարել է պետդումայի ԱՊՀ հարցերի հանձնաժողովի նախագահի տեղակալ Վիկտոր Վոլոդացկին:
«Անհրաժեշտ է կատարել բոլոր որոշումները, որոնք ձեռք են բերվել Մոսկվայում: Անիմաստ է որևէ լրացուցիչ կոմիտե կամ կենտրոն ստեղծել, քանի որ ամբողջ երկխոսությունը, որն այսօր սկսել է կառուցվել, կկորչի: Նրանց որոշումները կարող են համատեղելի չլինել այն որոշումների հետ, որոնք ընդունվելու են աշխատանքային խմբի կողմից, որի շուրջ համաձայնության են եկել արտգործնախարարները », - ասել է Վոդոլացկին:
