Սահմանի նախիջևանյան հատվածում մարտական գործողություններ չկան. Արծրուն Հովհաննիսյան

Սահմանի նախիջևանյան հատվածում իրավիճակը համեմատաբար հանգիստ է, մարտական գործողություններ չկան, ասուլիսի ժամանակ հայտնեց ՀՀ ՊՆ ներկայացուցիչ Արծրուն Հովհաննիսյանը:
Նա նշեց, որ Վարդենիսում խոցված ԱԹՍ-ները եղել են հետախուզական, բայց ավելացրեց.
«ՊՆ-ն պաշտոնապես չի ներկայացրել տարատեսկաները: Կա մի հետաքրքիր բան՝ ԱԹՍ-ների մեջ կան հետախուզահարվածային ԱԹՍ-ներ: Հաճախ տարանջատելը շատ դժվար է, այնպես որ, տարանջատումները պայմանական են»:
Նա նշեց նաև, որ այսօր՝ Մոսկվայում ընթացող բանակցություններին զուգահեռ, իր աչքի առաջ մարտական գործողությունները շարունակվել են՝ առանց փոփոխության:
Իսկ ինչ վերաբերում է Ալիևի դիրքորոշման որոշակի փոփոխությանը՝ ՊՆ ներկայացուցիչը նկատեց.
«Քիչ առաջ հայտարարություն էր տարածել, և դրանում դիրքորոշման փոփոխություն չտեսա, կապիտուլյացիայի պահանջ տեսա»:

Հովհաննիսյանը նշեց՝ նախնական տվյալներով այսօր հակառակորդն ունի մոտ երկու տասնյակ զինտեխնիկայի կորուստ: