Սուր աղիքային ինֆեկցիայով Ստեփանավանի հիվանդանոց է տեղափոխվել 20 երեխա

Հոկտեմբերի 6-ին արտակարգ դեպք է տեղի ունեցել Լոռու մարզում: Ժամը 22:30-ի սահմաններում «Ստեփանավան» բժշկական կենտրոնից ոստիկանության Ստեփանավանի բաժին ահազանգ է ստացվել, որ նույն օրը՝ ժամը 19:40-ի սահմաններում «սուր աղիքային ինֆեկցիա» ախտորոշմամբ իրենց մոտ են տեղափոխվել մեծ թվով քաղաքացիներ, այդ թվում՝ երեխաներ:

Shamshyan.com-ի փոխանցմամբ՝ հիվանդանոց են մեկնել ոստիկանության Ստեփանավանի և Տաշիրի բաժնի օպերատիվ խմբերը՝ անչափահասների գործերով բաժանմունքների տեսուչների գլխավորությամբ: Ոստիկանները պարզել են, որ հիվանդանոց են տեղափոխվել Կաթնառատ գյուղի բնակիչներ, 2-ամյա Տիգրան Բ.-ն, 6-ամյա Նադեժդա Կ.-ն, 5-ամյա Մարիաննա Կ.-ն, 6-ամյա Վիկտորիա Կ.-ն, 5-ամյա Արինա Մ.-ն, 12-ամյա Ալիսա Ն.-ն, 9-ամյա Ռոբերտ Մ.-ն, 10-ամյա Գրետա Վ.-ն, 7-ամյա Էսթեր Վ.-ն, 7-ամյա Էլեն Վ.-ն, 11-ամյա Էլինա Պ.-ն, 3-ամյա Հրայր Մ.-ն, 4-ամյա Ալինա Ա.-ն, 18-ամյա Հենրիկ Ա.-ն, 14-ամյա Արմինե Հ.-ն, 5-ամյա Մարի Մ.-ն, 9-ամյա Միլենա Ա.-ն, 6-ամյա Էլեն Ա.-ն, 11-ամյա Էրիկ Մ.-ն և 10-ամյա Մարի Մ.-ն: Գ. Շամշյանի տեղեկություններով՝ ըստ նախնական տեղեկությունների՝ նշված անձինք «սուր աղիքային ինֆեկցիա»-ն ստացել են հոկտեմբերի 5-ից 6-ն ընկած ժամանակահատվածում՝ իրենց տների բակերում առկա ծորակներից ջուր խմելու հետևանքով: Փաստի առթիվ ոստիկանության Տաշիրի բաժնի հետաքննչական բաժանմունքում նյութեր են նախապատրաստվում: