Եթե վերադառնանք բանակցություններին, գտնում եմ, որ պետք է Արցախը լինի բանակցային կողմ. Արցախի ԱԺ նախագահ
Պատերազմի, զենքի, հրանոթի, ինքնաթռիների լեզվով եք ուզում խոսել մեզ հետ, դրա համարժեք լեզվով էլ կխոսենք: Այս մասին մամուլի ասուլիսի ժամանակ հայտարարեց Արցախի ԱԺ նախագահ Արթուր Թովմասյանը:
«Բայց եթե ցանկություն լինի վերադառնալ խաղաղ բանակցային գործընթացին, գտնում եմ, որ պետք է վերականգնված լինի Բուդապեշտյան սամիթից հետո ֆորմատին, որտեղ բանակցություններին որպես կողմ մասնակցում էին Արցախի իշխանությունները: Միայն արցախցիներն իրավունք ունեն որոշելու իրենց ճակատագիրը՝ իրենց թիկունքում ունենալով Հայաստանն ու Սփյուռքը»,-ասաց նա:
