Ի հեճուկս Վրաստանի հայտարարության՝ ադրբեջանական բեռնատարները մեկնում են Թուրքիա. Աֆղանստանից եւս բեռ է տեղափոխվել. Hetq

Չնայած երեկ Վրաստանի անվտանգության խորհրդի նիստից հետո մեր հարեւանի կառավարությունը հայտարարել է, թե իբր արգելելու է իր օդային տարածքով ռազմական բեռի տեղափոխումը հայ-ադրբեջանական կոնֆլիկտի գոտի, փաստ է, որ Վրաստանի երկնքով ադրբեջանական օդանավերը շարունակում են թռչել Թուրքիա: Այս մասին գրում է Hetq.am-ը: 

Բնականաբար, այս ինքնաթիռները, որոնք վերջին օրերին «հերկում են» Վրաստանի երկինքը արեւելք-արեւմուտք ուղղությամբ, Ադրբեջանին անվերապահ աջակցություն հայտնած եւ կոնֆլիկտի մաս դարձած Թուքիայից սովորական բեռ չեն տեղափոխում: Վրաստանի իշխանությունները դժվար թե այնքան միամիտ լինեն, որ չհասկանան սա:

Այսպես՝ Վրաստանի կառավարության երեկվա հայտարարությունից հետո միայն այսօր ադրբեջանական «Silk Way Airlines» ավիաընկերության «Իլ-76» բեռնատար ինքնաթիռները մի քանի անգամ թռել են Թուրքիա՝ օգտագործելով Վրաստանի երկինքը:

Դրանցից 4K-AZ40 գրանցումով օդանավն այսօր Ադրբեջանից թռել է Միջերկրական ծովի ափին գտնվող թուրքական Դալաման (տես ստորեւ), որտեղից այս պահին վերադառնում է:

Մանրամասները սկզբնաղբյուր կայքում: