Գնդապետ Շաքարյանը, Յուրա Ալավերդյանը, Էդգար Մարտիրոսյանը և Դավիթ Գրիգորյանը «Արցախի հերոսի» կոչում ստացան
Արցախի նախագահ Արայիկ Հարությունյանի հրամանագրով գնդապետ Շաքարյանն արժանացել է «Արցախի հերոս» բարձրագույն կոչման:
Շաքարյանն Արցախյան գոյամարտի առաջամարտիկներից է: Խափանել է հակառակորդի բազմաթիվ տանկային ու հետևակային գրոհներ՝ պատճառելով մեծ կորուստներ. «Պարոն Շաքարյան, ձեզ հարգում ու ձեր սխրանքը գնահատելու է ամբողջ ազգը: Դուք Արցախի իրական հերոս եք»:
Արցախի նախագահ Արայիկ Հարությունյանի հրամանագրով Յուրա Հայկարամի Ալավերդյանն արժանացել է «Արցախի հերոս» բարձրագույն կոչման:
Ալավերդյանը Կարախամբիլի ու Ֆիզուլիիի հատվածներում ոչնչացրել է թշնամու 9 տանկ և մեկ միավոր ավտոտեխնիկա: Նա շարքային զինծառայող է։
Արցախի նախագահ Արայիկ Հարությունյանի հրամանագրով Էդգար Էդվարդի Մարտիրոսյանն արժանացել է «Արցախի հերոս» բարձրագույն կոչման:
Մարտիրոսյանը Թալիշի ուղղությամբ խոցել է 10 տանկ՝ ամուր պահելով իրեն վստահված հատվածը:
Նշենք, որ Մարտիրոսյանը շարքային զինծառայող է։
Արցախի նախագահ Արայիկ Հարությունյանի հրամանագրով Դավիթ Լյովայի Գրիգորյանն արժանացել է «Արցախի հերոս» բարձրագույն կոչման:
Գրիգորյանը սեպտեմբերի 27-ից ակտիվորեն մասնակցել է մարտական գործողություններին, հասցրել է Կարախամբիլի, Ֆիզուլիի հատվածում խոցել 15 տանկ և մեկ միավոր ՀՄՄ. «Շարունակում է ծառայել հայրենիքին՝ գտնվելով առաջնագծում»:
Նշենք, որ Գրիգորյանը շարքային զինծառայող է։
