Նիկոլ Փաշինյանը պաշտոնյային զրկել է շնորհված շնորհակալագրից

ՀՀ վարչապետ Նիկոլ Փաշինյանը տեսչական մարմինների աշխատանքների համակարգման գրասենյակի ղեկավար Արթուր Ասոյանին զրկել է ավելի վաղ շնորհված շնորհակալագրից:

Ինչպես ավելի վաղ հայտնել էինք, վարչապետ Նիկոլ Փաշինյանը սեպտեմբերի 18-ին որոշում էր ստորագրել, որով պարգևատրումներ էր արել։

Վարչապետի շնորհակալագրով խրախուսվել էին մի շարք պաշտոնատար անձինք, այդ թվում՝ վարչապետի աշխատակազմի տեսչական մարմինների աշխատանքների համակարգման գրասենյակի ղեկավար Արթուր Ասոյանը։

Այսօր՝ սեպտեմբերի 24-ին, Նիկոլ Փաշինյանը նոր որոշում է ստորագրել, որով Ասոյանի անունը հանվել է պարգևատրվողների ցանկից։

Նշենք, որ այսօր նրա մոտ քննարկվել էր Սննդամթերքի անվտանգության և Բնապահպանության և ընդերքի տեսչական մարմինների՝ 2019թ. գործունության և 2020թ. առաջին 8 ամսվա աշխատանքների հաշվետվությունը, որից ժամեր անց պաշտոնանկ էր արվել Սննդամթերքի անվտանգության տեսչական մարմնի ղեկավարը, Գեորգի Ավետիսյանը։

[fa5ae29a7d765e1464e5c63ee9ebfef5.jpg]