Քաղաքականություն

Գագիկ Ծառուկյանը կալանավորվեց 2 ամսով. դատարանի որոշումը կբողոքարկվի. փաստաբան

Գագիկ Ծառուկյանը կալանավորվեց 2 ամսով. դատարանի որոշումը կբողոքարկվի. փաստաբան
Դատարանը հրապարակեց որոշման եզրափակից մասը և ըստ էության բավարարեց նախաքննության մարմնի միջնորդությունը. Գագիկ Ծառուկյանը կալանավորվել է երկու ամսով: Այդ մասին լրագրողների հետ զրույցում ասաց ԲՀԿ…

Դատարանը հրապարակեց որոշման եզրափակից մասը և ըստ էության բավարարեց նախաքննության մարմնի միջնորդությունը. Գագիկ Ծառուկյանը կալանավորվել է երկու ամսով: Այդ մասին լրագրողների հետ զրույցում ասաց ԲՀԿ առաջնորդ Գագիկ Ծառուկյանի փաստաբան Սամվել Դիլբանդյանը:

Ըստ փաստաբանի՝ դատարանի որոշումն իրենց համար կանխատեսելի էր. «Այդ պատճառով էլ Ծառուկյանը նույնիսկ չներկայացավ: Նա սպասում է ԱԱԾ-ում, նա միանգամից այնտեղ է գնացել: Ամբողջ գործընթացի հապճեպ իրականացումը, դատավարի կողմից նիստը ինը ժամ անցկացնելուց հետո միանգամից այսօր ժամը 23-ին որոշում հրապարակելը արդեն վկայում էր համապատասխան տրամադրվածության մասին»:

Նա նաև նշեց, որ թեև որոշումն արդեն ստացել են, սակայն չեն ծանոթացել բովանդակությանը. «Բայց որոշումը միանշանակ բողոքարկվելու է Վերաքննիչ դատարանում: Որոշումն ակնհայտորեն անօրինական էր: Միջին ծանրության հանցագործության մեջ մեղադրանք առաջադրելը և կալանքը որպես խափանման միջոց ընտրելը հակասում է եվրոպական արժեքներին համահունչ որոշում չէ: Կալանքը որպես երևույթ պետք է կիրառվի բացառիկ դեպքերում»:

Փաստաբանը նաև նշեց, որ դատարանի նման որոշումը պայմանավորված էր վերջին օրերին Գագիկ Ծառուկյանի քաղաքական ակտիվությամբ. նա հանդիպումներ էր անցկացնում բնակչության հետ:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7368) Միջազգային (3218) ԱՄՆ (2278) Ռուսաստան (2083) Իրան (1732) Ընտրություններ (1271) Ուկրաինա (818) Երևան (795) Իսրայել (758) Ադրբեջան (617) Փաշինյան (558) Եվրոպա (510) Ընդդիմություն (435) Թրամփ (427) Ազգային ժողով (406)

Radio Aurora

Լսել Radio Aurora

Գովազդային տարածք

300x250