ԵՄ-ն Հայաստանին կհատկացնի 30 մլն եվրո
Այսօր կառավարության նիստի ժամանակ ՀՀ փոխվարչապետ Մհեր Գրիգորյանը ներկայացրեց «Հայաստանի Հանրապետության և Եվրոպական հանձնաժողովի միջև «Covid-19 համավարակի դիմակայման Հայաստանի պայմանագիր» ֆինանսավորման համաձայնագիրը:
Մհեր Գրիգորյանը նշեց, որ համաձայնագրով կորոնավիրուսի բացասական հետևանքները մեղմելու նպատակով ԵՄ-ն Հայաստանին կհատկացնի 30 մլն եվրո: Գումարը տրամադրվելու է ազգային գանձապետարանին:
«Սա բացառիկ ծրագիր է և ուղղված է կորոնավիրուսի հակաճգնաժամային միջոցառումներին: Կորոնավիրուսի հետևանքների չեզոքացման ծրարգերից մեկն է, մենք ԵՄ գործընկերների հետ ևս երկու ծրագիր են քննարկում»,-ասաց Մհեր Գրիգորյանը:
