ՌԴ արդարադատության նախարարությունը մտադիր է Եֆրեմովի փաստաբանին զրկել կարգավիճակից

ՌԴ արդարադատության նախարարությունը նախատեսում է միջնորդություն ներկայացնել փաստաբան Էլման Փաշաեւի աշխատանքային գործունեության դադարեցման վերաբերյալ, հայտնում է գործակալության կայքը:

Նշենք, որ Փաշաևը՝ դերասան Միխայիլ Եֆրեմովի փաստաբանն էր և նրան պաշտպանեց Մոսկվայում տեղի ունեցած մահվան ելքով ճանապարհատրանսպորտային պատահարի գործով: Լարված դատավարությունից հետո Ռուսաստանի մայրաքաղաքի Պրեսնենսկի դատարանը Եֆրեմովին դատապարտեց ութ տարվա ազատազրկման՝  հարբած վիճակում ճանապարհատրանսպորտային պատահարի համար, որի արդյունքում մարդ մահացավ: Փաշաեւն ապարդյուն փորձեց ապացուցել, որ նկարիչը չի եղել մեքենայի ղեկին և այն վարել է այլ անձ:

Նախարարությունը նաև խորհուրդ է տվել հարուցել կարգապահական վարույթ Ալեքսանդր Դոբրովինսկու նկատմամբ: Հիշեցնենք, որ Դոբրովինսկին զոհի շահերի պաշտպան է:

Ավելի վաղ Փաստաբանների դաշնային պալատի փոխնախագահ Գենադի Շարովը ՌԻԱ Նովոստիին հայտնել էր, որ Հյուսիսային Օսիայի փաստաբանների պալատը կարգապահական խախտում է գտել Փաշաեւի գործողություններում: