Գեղամ Գևորգյանը դատի է տվել ԵՊՀ-ին և ինքն իրեն վճարելու է 13 միլիոն դրամ

ԵՊՀ ռեկտորի ժամանակավոր պաշտոնակատար Գեղամ Գեւորգյանը դատական հայց է ներկայացրել ընդդեմ ԵՊՀ-ի, որի ռեկտորն է ինքը։ Դատարանը բավարարել է հայցը, ինչի հետեւանքով  ԵՊՀ-ն Գեւորգյանին պետք է վճարի 13 մլն դրամ։ Այս մասին գրում է Hraparak.am-ը:

Աղբյուրի հաղորդմամբ՝ ԵՊՀ նախկին ռեկտոր Արամ Սիմոնյանը հեռացրել էր Գեւորգյանին, Գեւորգյանը դատական հայց էր ներկայացրել ընդդեմ համալսարանի: Գեղամ Գեւորգյանին աշխատանքից ազատելու համար որպես հիմք է ընդունվել ՄԻԵԴ նախադեպային իրավունքով ամրագրված վստահության հատուկ կապի եւ հավատարմության սկզբունքը՝ նաեւ հիմք ընդունելով, որ ԵՊՀ-ում առկա է հանրային կառավարման տարր։

22․03․2019թ․ Գեղամ Գեւորգյանը դիմել է դատարան եւ պահանջել․

1. Անվավեր ճանաչել աշխատանքից ազատման հրամանը, 2. իրեն վերականգնել ԵՊՀ պրոռեկտորի պաշտոնում, 3. ԵՊՀ-ից բռնագանձել հարկադիր պարապուրդի համար միջին աշխատավարձը, 4. ԵՊՀ-ից բռնագանձել 1 մլն ՀՀ դրամ՝ որպես փաստաբանին վճարված վարձատրություն, 5․ ԵՊՀ-ից բռնագանձել 4 հազար ՀՀ դրամ՝ որպես պետական տուրք։

Մանրամասները սկզբնաղբյուրում.