Սիրիացի և ռուս զինվորականները ռազմարշավ են իրականացրել գրոհայինների դեմ
Սիրիական բանակը՝ ռուս զինվորականների աջակցությամբ, օգոստոսի 18-24-ը զանգվածային հակաահաբեկչական գործողություններ է իրականացրել:
«Ռուսաստանի ռազմատիեզերական ուժերի և Սիրիայի ռազմաօդային ուժերի ավիահարվածներով, հրետանու կրակով և հետախուզա-որոնողական հատուկ նշանակության խմբերի գործողություններով «սպիտակ անապատի» տարածքում 327 գրոհային է ոչնչացվել, ինչպես նաև 134 թաքստոց, 17 դիտակետ, 7 պահեստ և 5 ստորգետնյա սպառազինման և զինամթերքի պահեստարան»,- РИА Новости-ի փոխանցմամբ՝ այս մասին ասել է Սիրիայում ռուսական ուժերի ներկայացուցիչը:
ՌԴ ռազմատիեզերական ավիացիոն խումբը Սիրիայում է գտնվում 2015 թվականից, երբ ռուս զինվորականները Սիրիայի նախագահ Բաշար ալ-Ասադի խնդրանքով սկսել են մասնակցել ահաբեկիչների դեմ մարտական գործողություններին:
