ՏԵՍԱՆՅՈՒԹ. Շտապօգնության մեքենաներով երթևեկում է ՕՄՕՆ-ը. Բելառուսում ակցիային միացել են նաև բժիշկները
Այսօր Բելառուսում ընթացող բողոքի ակցիային իրենց աջակցությունն են հայտնել նաև բժիշկները: Ելույթ ունենալով ժողովրդի առաջ՝ բժիշկ թերապևտներից մեկը խոստովանեց՝ երբ իմացել են, որ շտապօգնության մեքենաներով երթևեկում են ՕՄՕՆ-ի ուժայինները, դա դարձել է իրենց համբերության բաժակի վերջին կաթիլը:
Բելառուսում նախագահական ընտրություններից ի վեր շարունակվում են բողոքի ակցիաները, որոնց մասնակիցներն իրենց դժգոհությունն են հայտնում ընտրությունների արդյունքներից, որոնց համաձայն՝ 80 տոկոս ձայնով հաղթող է ճանաչվել գործող նախագահ Ալեքսանդր Լուկաշենկոն, իսկ Սվետլանա Տիխանովսկայան ձայների ընդամենը 10,12 տոկոսն է հավաքել։
Պաշտոնական տվյալներով՝ առաջին օրերին ավելի քան 6,7 հազար մարդ է ձերբակալվել։ Ինչպես հաղորդել է հանրապետության ՆԳՆ-ն, անկարգությունների ընթացքում տուժել են հարյուրավոր մարդիկ, այդ թվում՝ իրավապահ մարմինների ավելի քան 120 աշխատակիցներ, մեկ ցուցարար զոհվել է:
