Բելառուս հաղորդավարները, ի նշան բողոքի, հեռանում են պետական հեռուստաընկերություններից

Բելառուսցի հայտնի հեռուստահաղորդավարներից մի քանիսը հայտնել են պետական հեռուստաալիքները լքելու մասին, հայտնում է РИА Новости-ն:

«Այդ ինչի՞ է վերածվել իմ Բելառուսը: Ես ուղիղ եթերում եմ աշխատում 2009 թվականից: Այժմ, որոշել եմ, որ «Беларусь-1»-ում իմ այսօրվա եթերը կլինի վերջինը: Այդ որոշումս ինքնուրույն  եմ կայացրել, ոչ ոք չի ազդել դրա վրա»,- գրել է իր Instagram-ում բելառուսական հայտնի երեկոյան շուոի վարող Եվգենի Պերլինը:

Ավելի ուշ ևս մեկ հայտնի բելառուսցի հեռուստահաղորդավարոհի Օլգա Բելմաչը հայտել է, որ լքել է «Беларусь-1» հեռուստաալիքը: « Ես այլևս չեմ աշխատում հեռուստատեսությունոմ»,- գրել է նա իր ֆեյսբուքյան էջում:

Հեռուստահաղորդավար Սերգեյ Կոզլովիչն իր Instagram-ում գրել է, որ հեռանում է Агентство теленовостей-ից, որը բելառուսական պետական խոշորագույն մեդիահոլդինգի մասն է հանդիսանում:

«Դա մանկության երազանք էր, որին ես նվիրեցի 10 տարի: Սկսած ОНТ-ում վիդեոմոնտաժից, ավարտած «Беларусь – 1»-ում ուղիղ եթերներով: Կադրում աշխատելն ինձ համար միշտ  շատ հաճելի կլինի: Իսկ ահա АТН-ի տաղավարում երեկ ես նստած էի վերջին անգամ: Որոշումս ինքնուրույն եմ կայացրել: Առջևում են նոր աշխատանքի որոնումները»,- գրել է Կոզլովիչը:

Զանգվածային ցույցերը Բելառուսում մեկնարկել են օգոստոսի 9-ին՝ երկրում կայացած նախագահական ընտրություններից հետո, որի արդյունքներից դժգոհ քաղաքացիներն ու ընդդիմության աջակիցները դուրս են եկել փողոց` իրենց բողոքը հայտնելու: Հիշեցնենք, որ ընտրությունների արդյունքում հաղթող է ճանաչվել գործող նախագահ Ալեքսանդր Լուկաշենկոն` հավաքելով ընտրողների ձայների ավելի քան 80 տոկոսը: