Վարչապետը և նախագահ Արմեն Սարգսյանը զրուցում են նախագահականում
Այս պահին նախագահականում է գտնվում վարչապետ Նիկոլ Փաշինյանը։ Նրանք այգում նստած զրուցում են ՀՀ նախագահ Արմեն Սարգսյանի հետ։ Այս մասին հայտնում է hraparak.am-ը:
Լրատվամիջոցը կապվել է վարչապետի խոսնակ Մանե Գեւորգյանի հետ և հարցրել՝ ինչ առիթով է այդ հանդիպումը։ Խոսնակն ասել է, որ բնապահպանության նորանշանակ նախարար Ռոմանոս Պետրոսյանի երդմնակալության արարողությանն է մասնակցել վարչապետը, իսկ արարողությունից հետո զրուցել են ՀՀ նախագահի հետ։ Խոսնակն ասել է, որ ավելի ուշ հաղորդագրություն կտարածեն։
