Գերմանիան 10 միլիոն եվրո կտրամադրի Լիբանանին
Գերմանիայի արտգործնախարար Հայկո Մաասը հայտարարել է, որ Գերմանիան Լիբանանին կտրամադրի 10 միլիոն եվրո որպես անհապաղ օգնություն՝ Բեյրութի նավահանգստում տեղի ունեցած պայթյունի հետևանքները վերացնելու համար:
Ըստ նրա՝ Բեյրութի բնակիչներն օգնության կարիք ունեն:
«Ես շատ ուրախ եմ, որ այսօր ԳԴՀ կառավարության կողմից կարող եմ խոստանալ լրացուցիչ 10 միլիոն եվրո», – ասել է Մաասը:
Միևնույն ժամանակ, նա հիշեցրել է, որ Լիբանանը մինչ աղետն էլ լուրջ խնդիրներ ուներ: Նախարարը կարծում է, որ երկրին անհրաժեշտ են բարեփոխումներ՝ կայուն փոխակերպումների համար:
Մաասը նաև կոչ է արել Լիբանանի իշխանություններին թափանցիկ կերպով կազմակերպել պայթյունի պատճառների հետաքննություն:
