ԼՈՒՍԱՆԿԱՐՆԵՐ. Երևանի ՃՈ պետի կարգադրությամբ` «գիշերային չղջիկը» հայտնաբերվել է

Այսօր՝ հուլիսի 31-ին, Երևանի ճանապարհային ոստիկանության պետ Վահան էվինյանի կարգադրությամբ Երևանի ՃՈ պահպանվող տարածք է տեղափոխվել BMW մակնիշի 99 ՏR 990 համարանիշի ավտոմեքենան:

Ինչպես հայտնում է Shamshyan.com-ը, Երևանի ճանապարհային ոստիկանության օպերատիվ կառավարման կենտրոնում տեղեկություններ են ստացվել, որ նշված ավտոմեքենայի վարորդը Երևանում չարամտորեն խախտում է ճանապարհային երթևեկության կանոնները, երթևեկում է հանդիպակաց, գիշերային ժամերին էլ ավտոմեքենան վարում է դժոխային արագությամբ, ինչի հետևանքով առաջանում է ուժեղ ձայն, որը խանգարում է քաղաքացիների գիշերային անդորրը:

Ճանապարհային ոստիկանությունը կրկին անգամ հորդորում է վարորդներին, որպեսզի չխախտեն ճանապարհային երթևեկության կանոնները, հակառակ դեպքում՝ անկախ վարորդի զբաղեցրած դիրքից ու պաշտոնից և ավտոմեքենայի մակնիշից, օրինախախտները ենթարկվելու են վարչական պատասխանատվության, անհրաժեշտության դեպքում էլ ավտոմեքենաները տեղափոխվելու են ՃՈ պահպանվող հատուկ տարածք: