Հունաստանում պայթյուն Է տեղի ունեցել նավագնացային ընկերության գրասենյակի մոտ

Հուլիսի լույս 29-ի գիշերն ինքնաշեն պայթուցիկ սարք Է գործել Պիրեա նավահանգստային քաղաքի Պապանաստասիու փողոցում՝ նավագնացային ընկերության մոտքի մոտ, ոչ ոք չի տուժել: Այդ մասին փոխանցում է «Արմենպրես»-ը, հուլիսի 29-ին հայտնել Է Հունաստանի EPT պետական հեռուստատեսությունը:

Հեռուստատեսության տվյալներով՝ պայթյունի հետեւանքով ընկերության շենքին լուրջ նյութական վնաս Է հասցվել: Ոստիկանությունը եւ հրշեջները որոշ ժամանակ արգելափակել են շենքի մոտ տրանսպորտի երթեւեկությունը, որպեսզի հավաքեն պայթուցիկ սարքի՝ ցիրուցան եղած մնացորդները:

Առաջին տեղեկատվության համաձայն՝ պայթյունը եղել Է ուժգին, քանի որ ռումբի մասերը գտնվել են գրասենյակից հինգ - վեց մետր հեռավորության վրա: Ինչպես հայտնել Է Zougla.gr նորությունների պորտալը, դա այդ նավագնացային ընկերության վրա հարձակման առաջին դեպքը չԷ: Այս տարվա հունվարի 17-ին անհայտ անձինք հրկիզող սարք Էին դրել ընկերության գրասենյակի մոտ, որն այն ժամանակ նույնպես լուրջորեն վնասվել Էր: Հունվարի 27-ին անհայտ անձինք հզոր հրկիզող սարք Էին դրել նավագնացային ընկերության սեփանականատիրոջ տան մոտ, որտեղ այն ժամանակ գտնվում Էին նրա ծնողները, հաղորդել Է ՏԱՍՍ-ը: