Լուկաշենկոն հայտարարել է, որ «ոտքի վրա» կորոնավիրուս է տարել
Բելառուսի նախագահ Ալեքսանդր Լուկաշենկոն առանց սիմպտոմների, «ոտքի վրա» կորոնավիրուս է տարել։ Նա այս մասին ասել է այսօր՝ ազգային անվտանգության համակարգի գերատեսչությունների ղեկավարության և անձնակազմի հետ հանդիպման ժամանակ, գրում է «Բելտա»-ն։
«Ես ներողություն եմ խնդրում ձայնիս համար: Վերջին ժամանակներս շատ բան ունեմ ասելու: Բայց ամենից զարմանալին այն է, որ այսօր դուք հանդիպում եք մի մարդու, ում հաջողվել է ոտքի վրա հաղթահարել կորոնավիրուսը», – ասել է պետության ղեկավարը: Նա նշել է, որ երեկ նման եզրակացության են եկել բժիշկները՝ ասիմպտոմ կորոնավիրուս։
«Մեր բնակչության 97% -ը այս վարակը կրում է առանց սիմպտոմների: Շնորհակալ եմ Աստծուն, որ ինձ ևս հաջողվեց սիմպտոմներ չունենալ»,- նշել է Լուկաշենկոն։
