Վրաստանի տարածքով Հայաստան ռազմական մատակարարումների մասին լուրերն ապատեղեկատվություն են. Չիկովանի
Վրաստանն աջակցում է Ադրբեջանի հետ ռազմավարական գործընկերությանը: Թբիլիսիի դիրքորոշումն անշրջելի է. Կովկասում խաղաղությանն այլընտրանք չկա: Այս մասին հայտարարել է վարչապետի խորհրդական Իրակլի Չիկովանին: Նա այսպես է մեկնաբանել տարածված լուրերը, թե Ռուսաստանը պատրաստվում է Վրաստանի տարածքով 300 ռազմական մեքենա ուղարկել Հայաստան:
Չիկովանիի խոսքով ՝ սա ևս մեկ կեղծ տեղեկություն է տեղի կուսակցական ԶԼՄ-ների կողմից, որն օգտագործվում է հատուկ քարոզչական նպատակներով:
«Ցավոք, առաջին անգամ չէ, երբ կոնկրետ լրատվամիջոցներ փորձում են խեղաթյուրել տեղեկատվությունը`ներկայացնելով այն այնպես, ինչպես իրենց է ձեռնտու», – ասել է նա։
