Սուրբ Սոֆիայի տաճարում տեղի է ունենում առաջին նամազը

Բյուզանդական հնամենի մայրաքաղաքում՝ այժյման թուրքական Ստամբուլում,  մզկիթի է վերածվում քրիստոնեական հռչակավոր տաճարներից մեկը՝ Սուրբ Սոֆիան։ Այն տևական ժամանակ որպես թանգարան էր ծառայում, սակայն Էրդողանի ձեռքերը ի վերջո հասան նաև տաճարի իսլամացմանը։

Մինչև 1453 թվականը այն քրիստոնեական ուղղափառ եկեղեցու կարևորագույն տաճարներից մեկն էր։ Սակայն երբ Կոստանդնուպոլիսն ընկավ թուրքերի ձեռքը, նրանք տաճարը վերածեցին մզկիթի։ Միայն 1931 թվականին Թուրքիայի աշխարհիկ առաջնորդ Մուստաֆա Քեմալի՝ Աթաթուրքի հրահանգով Սուրբ Սոֆիան վերածվեց թանգարանի։

Այժմ Թուրքիան դեպի իսլամացում տանող Էրդողանը կրկնում է 1453-ի պատմությունը՝ ի հեճուկս միջազգային հանրության արձագանքների, որ պնդում էին՝ տաճարը թողնել որպես թանգարան։