Կառավարության կողմից առաջադրվող ՍԴ դատավորի թեկնածուի անունը հայտնի է
ՀՀ կառավարությունը Սահմանադրական դատարանի դատավորի թեկնածու կառաջադրի Վահրամ Ավետիսյանին: Հարցը ներառված է կառավարության այսօրվա նիստի օրակարգում։
«Ղեկավարվելով Սահմանադրության 166-րդ հոդվածի 1-ին մասով և 213-րդ հոդվածի 3-րդ մասով՝ Հայաստանի Հանրապետության կառավարությունը որոշում է.
Սահմանադրական դատարանի դատավորի պաշտոնում առաջադրել Վահրամ Ավետիսյանի թեկնածությունը»,-ասված է որոշման նախագծում:
Սահմանադրական փոփոխությունների արդյունքում ՍԴ 3 դատավորների լիազորությունները դադարեցվել են: Թեկնածու առաջադրելու իրավունք ունեն ըստ հերթականության՝ կառավարությունը, ՀՀ նախագահը և Դատավորների ընդհանուր ժողովը:
