Վրաստանում այսուհետ թույլատրվում են բացօթյա համերգները. Նատիա Թուրնավա
Վրաստանի էկոնոմիկայի և կայուն զարգացման նախարար Նատիա Թուրնավան լրագրողներին տված հարցազրույցում հայտարարել է, որ այսուհետ կարելի է բացօթյա անցկացնել տարբեր սոցիալական միջոցառումներ, պայմանով, որ քաղաքացիները պետք է հետևեն խորհրդատվություններին:
«Շնորհավորում եմ բոլոր երիտասարդներին այս կարգավորումների թուլացման համար: Բայց այս դեպքում ևս պետք է չափավոր լինել: Տոնական միջոցառումներ և համերգներ կարող են անցկացվել բաց երկնքի տակ: Գիտեմ, որ սա շատ կարևոր էր մի շարք մարդկանց և աշխատողների համար:
Մասնավորապես, մենք խոսում ենք լուսանկարիչների, երաժիշտների, միջոցառումների կազմակերպիչների, տրանսպորտային ընկերությունների, ռեստորանների, հյուրանոցների մասին»,- ասել է Թուրնավան:
