ՏԵՍԱՆՅՈՒԹ. Վիրավոր զինծառայողներից մեկի վիճակը ծայրահեղ ծանր է, բժիշկները պայքարում են նրա կյանքի համար. Գևորգ Ալթունյան
Հայ-ադրբեջանական սահմանին հարաբերական հանգիստ է: Այս մասին AuroraNews-ի հետ հարցազրույցի ժամանակ ասաց ՀՀ ՊՆ տեղեկատվության և հասարակայնության հետ կապերի վարչության պետ Գևորգ Ալթունյանը:
Նա նշեց, որ ցավոք, հուլիսի 14-ին հակառակորդի կողմից վիրավորում ստացած զինծառայողներից մեկը գտնվում է ծայրահեղ ծանր վիճակում, և բժիշկներն այժմ պայքարում են նրա կյանքը փրկելու համար:
«Ծայրահեղ ծանր վիճակում գտնվող զինծառայողը վնասվածք է ստացել գլխուղեղի հատվածում: Վերջին օրերին վիրավորված զինծառայողներից այս պահին բուժում է ստանում 10-ը զինծառայող, գործ ունենք տարբեր աստիճանի վնասվածքների հետ: Նրանցից 4-ի վիճակը գնահատվում է միջին ծանրության է: Ամենայն հավանականությամբ առաջիկա օրերին նրանց բուժումը կավարտվի, և դուրս կգրվեն: Մնացած 5-ի վիճակը բավարար է: Վիրավոր զինծառայողի վիճակը ծայրահեղ ծանր է, բժիշկները պայքարում են նրա կյանքի համար»,- ասաց Ալթունյանը:
