Իսրայելական SkyStriker հարվածային ԱԹՍ-ն, սաղ-սալամաթ մեր տղաներ մոտ է հայտնվել. Վիտալի Մանգասարյան
«Հենակետ» վերլուծական կենտրոնի փորձագետ Վիտալի Մանգասարյանը ֆեյսբուքի իր էջում լուսանկար է հրապարակել, որին կից գրել է. «Իսրայելական SkyStriker հարվածային ԱԹՍ-ն, սաղ-սալամաթ մեր տղաներ մոտ է հայտնվել։
Սա շատ թանկարժեք ձեռքբերում է, նման կարգի ԱԹՍ-ները անվնաս ձեռք բերելը պրակտիկայում շատ դժվար է, քանի որ հիմնականում այնպիսի համակարգեր են տեղադրված լինում, որ երբ ԱԹՍ-ն ասենք ինչ-ինչ տեխնիկական խնդիրների պատճառով ընկնում է, այդ ժամանակ միանում է այսպես ասած «система самоуничтожения», որի նպատակն է ԱԹՍ-ի վրա աշխատող ալգորիթմների և այլ տեխնիկական տվյալների ոչնչացումը։
Կարճ ասած, եթե էս սարքը ողջ-առողջ մեր մոտ է, ապա թշնամին պռոբլեմներ ունի, եւ մեր ինժեներների կողմից հետազոտվելուց հետո, ապագայում էլ ավելի մեծ պռոբլեմներ է ունենալու»։
