Քաղաքապետարանում հեռացող պաշտոնյաներին խրախուսելու հարցում, պարզվում է, բավականին առատաձեռն են։ Ինչպես արդեն հայտնել էինք,  փոխքաղաքապետ Հայկ Սարգսյանը հուլիսի 15-ից ավարտել է պաշտոնավարումը և կտեղափոխվի այլ աշխատանքի` մասնավոր հատվածում, այս մասին հայտնում է panorama.am-ը: 

Հենց հուլիսի 15-ին Երևանի քաղաքապետ Հայկ Մարությանը կարգադրություն է ստորագրել Հայկ Սարգսյանին 1 մլն 800 հազար դրամով խրախուսելու համար։

 

Հիշեցնենք, որ բացի պարգևավճարները Հայկ Սարգսյանը մի քանի ամիս առաջ՝ ապրիլին խրախուսվել էր 1 մլն 800 հազար դրամով։

Ապրիլի 20-ին կայացրած 431-Ա  կարգադրությամբ քաղաքապետը իր տեղակալ Հայկ Սարգսյանին ու իր խորհրդական Կարեն Համբարձումյանին խրախուսել է՝ նրանցից յուրաքանչյուրին տրամադրելով 1 մլն 800 հազարական դրամ։ Այս երկուսին խրախուսելը համայքնի բյուջեի վրա նստել է 3 մլն 600 հազար դրամ։

Մարությանի խորհրդական Կարեն Համբարձումյանը մինչ այդ ՀՀ նախագահի հրամանագրով նշանակվել էր Վերաքննիչ քաղաքացիական դատարանի դատավոր: