Թուրքիայում ձերբակալվել է 115 մարդ, որոնք նախկինում աշխատել են ֆինանսական հանցագործությունների հետաքննության խորհրդում (MASAK) ու հանդգնել են ստուգել երկրի նախագահ Ռեջեփ Թայիփ Էրդողանի ֆինանսական շարժերը։ Նրանք մեղադրվում են «ահաբեկիչների» հետ կապեր ունենալու համար, գրում է «ermenihaber.am»-ը։

Բանն այն է, որ այս մարդիկ համակարգում Էրդողանի անունն են փնտրել իրենց աշխատանքի ընթացքում։ Հետագայում նրանք անցել են այլ աշխատանքի, բայց նրանց «արարքը բացահայտվել է»։ Թուրքիայի իրավապահները հիկա պնդում են, որ այդ անձինք կապ ունեն Գյուլենական շարժման հետ, որին մեղադրում են 2016 թվականի հեղաշրջման փորձի իրականացման մեջ։

Հետաքրքիր է, սակայն, որ այդ մարդիկ այդ համակարգում աշխատանքի են ընդունվել հենց այդ հեղափոխության փորձից հետո, երբ Էրդողանի հրահանգով «վհուկների որս» էր սկսվել ամբողջ պետական համակարգում։