Նույնիսկ նախագահը չի փրկում իշխանությանը, քանի որ օրենքը պաշտոնական տեղեկագրում չկա

ԼՀԿ-ական պատգամավոր Մանե Թանդիլյանը ֆեյսբուքյան էջում գրառում է արել.

«Հանրապետության նախագահը գույքահարկի բարձրացումը համարում է ժամանակավրեպ՝ նշելով, որ չունի որևէ լիազորություն օրենքը հետ ուղարկելու խորհրդարան և ստիպված այսօր ստորագրել է այն։

Նախագահը առնվազն անկեղծ չէ իր պատճառաբանության մեջ, քանի որ ընդամենը մեկ օր անց ստորագրելու դեպքում օրենքը չէր կարող ուժի մեջ մտնել 2021թ հունվարի մեկից, ինչով էլ պայմանավորված էր կառավարության կողմից հերթական անգամ արտահերթ նիստով հարկեր բարձրացնելը։

Ի դեպ, նույն գործընթացը տեղի ունեցավ անցյալ տարի, երբ հարկերի բարձրացում նախատեսող օրենքը նախագահը ստորագրեց նույնիսկ Շվեյցարիայից։

Հ.Գ. Կարծես թե նույնիսկ նախագահը չի փրկում իշխանությանը, քանի որ օրենքը դեռ պաշտոնական տեղեկագրում հրապարակված չէ, ուստի արդեն հուլիսին հրապարակվող օրենքը չի կարող ուժի մեջ մտնել 2021թ հունվարի մեկից»,-գրել է Թանդիլյանը, ապա հրապարակել նաև օրենքը։