Ինքնաբավության իսպառ բացակայությամբ դասական կնոջ օրինակ. «լեզվակռիվ»՝ ավագանու անդամների միջև

Երևանի ավագանու «Լույս» խմբակցության անդամ Թեհմինա Վարդանյանն անդրադարձել է Երևանի ավագանու «Իմ քայլը» խմբակցության անդամ Իզաբելլա Աբգարյանի՝ իր մասին արված ֆեյսբուքյան գրառմանը:

Նշենք, որ Աբգարյանն իր էջում հրապարակել է կադրեր հունիսի 24-ին կայացած ավագանու նիստից, որի ընթացքում վիճաբանություն էր տեղի ունեցել Թեհմինա Վարդանյանի և քաղաքապետ Հայկ Մարությանի միջև:

Ավագանու անդամը, մասնավորապես, գրել է. «Գտիր մեկ տարբերություն
Կամ ինչպես արագ փոխել տեղդ, երբ դիմացդ կանգնում ա առանց դիմակի մեկը»:

Այս հրապարակմանն իր էջում պատասխանել է Վարդանյանը՝ գրելով.

«Բնական համարելով տարիքային զեղումներն ու խնդիրները, չէի ուզում անդրադառնալ այս նկարին, այնուամենայնիվ, ասեմ, որ խորը կարեկցանք եմ զգում գործընկերոջս հանդեպ: Մանավանդ, կարդալով մեկնաբանությունները հասկանում եմ, ինչպիսին կարող է լինել ինքնաբավության իսպառ բացակայությամբ դասական կնոջ օրինակը: Ինչքան մաղձ կա... Ցավում եմ...

Ի դեպ, տեսնես Մարությանը նկատե՞լ է, որ ավագանու անդամներից մեկը անմիջապես իր դիմաց դիմակն իջեցրած նստած է: Չնայած, նրա խոսքը չի վախեցնում ու խորշում Մարությանին: Լռեցնելու խնդիր չունի»: