2018-ին ավելի քան 214 հազար մարդ է մասնակցել ՏԻՄ ընտրություններին. ԿԸՀ
2018-ին տեղական ինքնակառավարման մարմինների ընտրություններ են անցկացվել 88 համայնքում: Այս մասին հունիսի 25-ին ՀՀ Ազգային ժողովի արտահերթ նստաշրջանում ԿԸՀ գործունեության վերաբերյալ զեկույցի քննարկման ժամանակ ասաց ՀՀ Կենտրոնական ընտրական հանձնաժողովի նախագահ Տիգրան Մուկուչյանը:
Այդպես, դրանցից 26-ում ընտրություններն անցկացվել են նախատեսվածից շուտ: 2019-ին ընտրություններ են անցկացվել 82 համայնքում: Դրանցից 31-ն անցկացվել է նախատեսվածից շուտ:
Միեւնույն ժամանակ, 129 համայնքում անցկացվել են համայնքների ղեկավարների ընտրություններ, իսկ 60-ում՝ ավագանու անդամների: Ընտրություններ են անցկացվել նաեւ 6 քաղաքում:
Ընտրությունների անցկացման համար ձեւավորվել է 387 ընտրատեղամաս: Այդ ընտրատեղամասերում գրանցվել է 457 հազար 188 ընտրող: Նրանցից ընտրություններին մասնակցել է ընդամենը 214 հազար 181 մարդ:
Ընտրություններին մասնակցել է 916 թեկնածու, ընդ որում, առաջադրման ոչ մի դիմում չի մերժվել:
