Վարչապետը՝ ԱԱԾ պաշտոնյայի կալանավորման մասին

ՀՀ վարչապետ Նիկոլ Փաշինյանը ֆեյսբուքյան իր էջում կիսվել է ԱԱԾ-ի՝ քիչ առաջ հրապարակած տեսանյութով եւ արձագանքել ԱԱԾ Արարատի մարզային վարչության պետի կալանավորմանը:

«ԱԱԾ գործողությունների արդյունքում կալանավորվել է ԱԱԾ բարձրաստիճան պաշտոնյա՝ ԱԱԾ Արարատի մարզային վարչության պետը: Կոռուպցիայի որևէ դրսևորում անարձագանք չի մնալու»,- գրել է վարչապետը:

Ավելի վաղ հայտնել էինք, որ Արարատի մարզի համայնքապատկան հողամասերը պետական ծառայություն իրականացնող պաշտոնատար անձանց դրդմամբ ապօրինի օտարելու, ձևական աճուրդներ կազմակերպելու, համայնքներին առանձնապես խոշոր չափերի վնաս պատճառելու, պետական ծառայություն իրականացնող անձանց կատարած հանցագործությունը թաքցնելու դեպքեր: Դրանցում ներգրավված են եղել ինչպես Արարատի մարզի Մխչյան, Շահումյան համայնքների, Արարատի մարզպետարանի, այնպես էլ՝ ՀՀ ազգային անվտանգության ծառայության գլխավոր և ավագ խմբի պաշտոններ զբաղեցնող անձինք: