Ռուսաստանը պատրաստ է Թուրքիայի հետ Ս-400-ների նոր պայմանագիր կնքել
Մոսկվան պատրաստ է նոր պայմանագիր կնքել Թուրքիային լրացուցիչ Ս-400 համալիր մատակարարելու համար, եթե Անկարան այդպիսի ցանկություն հայտնի: Ինչպես հայտնում է ՏԱՍՍ-ըՙ այս մասին հայտարարել է ՌԴ փոխվարչապետ Յուրի Բորիսովը:
«Նրանք իրավունք ունեն դա անելու, եթե ցանկություն են հայտնում, մենք դա կկնքենք», - նշել է փոխվարչապետը:
Հիշեցնենք՝ 2017 թվականին Ռուսաստանը և Թուրքիան պայմանագիր են ստորագրել Մոսկվայի կողմից Անկարային Ս-400 համակարգեր մատակարարելու մասին:
