Այս րոպեներին Մոսկվայի Կարմիր հրապարակում զանգերն ազդարարեցին Հայրենական մեծ պատերազմի 75-ամյակին նվիրված հաղթական զորահանդեսի մեկնարկը: Միջոցառմանը մասնակցում է 13 հազար զինվորական, 234 միավոր տեխնիկա, ինչպես նաեւ օդուժ: Շքերթին մասնակցում է 75 զինվորից բաղկացած հայկական շարասյունը։ Հայ զինվորները տանելու են Թամանյան դիվիզիայի մարտական և Հայաստանի Հանրապետության դրոշները։ Հայկական պատվիրակությունը գլխավորում է ՀՀ պաշտպանության նախարար Դավիթ Տոնոյանը։

Շքերթին ներկա 1089 հանդիսականի համար պահպանվելու են կարանտինային նորմերը: Նրանք նստած են մեկից երկու մետր հեռավորության վրա, պահպանելով սոցիալական հեռավորությունը: