Կորոնավիրուսով վարակված, ծայրահեղ ծանր վիճակում գտնվող մայրն ու որդին առողջացել են

Վնասվածքաբանության և օրթոպեդիայի գիտական կենտրոնի ընդհանուր և օպերատիվ հարցերով փոխտնօրեն Կարեն Պողոսյանը ֆեյսբուքյան էջում գրառում է արել՝ տեղեկացնելով, որ կենտրոնից դուրս են գրվել ևս երկու ծայրահեղ ծանր վիճակում ընդունված հիվանդներ՝ մայր և որդի: Բժիշկը ներկայացրել է նրանց պատմությունը.

«Հիվանդ Ն. Ա. 64 տարեկան:

Կենտրոնի վերակենդանացման բաժանմունք է ընդունվել 25.05.2020 թ. Covid 19 դրական, երկկողմանի թոքաբորբ, շնչական անբավարարություն 3-րդ աստիճանի ախտորշմամբ, ընդունման պահին spO2 75%: Ուղեկցող ախտրոշում՝ գլաուկոմա, կուրություն:

Որդին՝ Խ. Ա. 36 տարեկան:

Covid 19 դրական, երկկողմանի թոքաբորբ, շնչական անբավարարություն 3-րդ աստիճանի ախտորշմամբ, ընդունման պահին spO2 65%: Ուղեկցող ախտրոշում՝ ՄՈւԿ( մանկական ուղեղային կաթված), նստային շրջանի խորը, տարածուն պառկելախոց ՝ նեկրոզված մակերեսով:

Երկու հիվանդն էլ ինքնուրույն չէին շարժվում, Խ. Ա.-ն ընդանրապես կոնտակտի մեջ չէր մտնում և չէր ենթարկվում բուժանձնակազմին, երկար ժամանակ գտնվել էր պառկած վիճակում:

Երկու հիվանդներն էլ դուրս գրվեցին լավացումով:

«Շնորհակալություն կոլեկտիվին:

Covid 19 դատավճիռ չէ, նույնիսկ ուղեկցող ծանր հիվանդությունների առկայության դեպքում:

P.S. Պայքարում ենք միասին»,-գրել է բժիշկը: