Նազարբաևի մոտ կորոնավիրուս է հաստատվել
Ղազախստանի առաջին նախագահ Նուրսուլթան Նազարբաևի մոտ կորոնավիրուս է հաստատվել, նա ինքնամեկուսացել է: Այս մասին տեղեկացնում է meduza.io կայքը:
Լրատվականը նշում է, որ Ղազախստանում կորոնավիրուսի հետ կապված սահմանափակումները խստացվել են։ Առաջիկա օրերին փակ կլինեն առևտրի կենտրոնները, շուկաները և զբոսայգիները։
Իշխանությունները բոլոր շրջաններին հրահանգել են ավելացնել թեստավորումների թիվը։
Ղազախստանում, վերջին տվյալներով, գրանցվել է կորոնավիրուսով վարակման 15 877 և մահվան 97 դեպք:
