Առաջիկայում քաղաքացիները մեկ դիմակը 60-70 դրամով կկարողանան ձեռք բերել ապարատներից. վարչապետ
Շուկայում տեղի է ուենցել դիմակների էական գնանկում և, ըստ էության, առաջիկայում քաղաքացիները մեկ դիմակը 60-70 դրամով կկարողանան ձեռք բերել ապարատներից, կառավարության այսօրվա նիստին հայտարարեց վարչապետ Նիկոլ Փաշինյանը։
«Դիմակները պաշտպանում են ոչ միայն և ոչ այնքան դիմակ կրողին, որքան դիմացինին։ Մենք բոլորս բոլորիս պետք է վերաբերվենք որպես վարակակրի, մենք ինքներս մեզ պետք է վերաբերվենք որպես վարակակրի, և, հետևաբար, դիմակ չկրելու կոնտեքստը ոչ այնքան այն է, որ ես չեմ վախենում վարակվել, այլ ավելի շատ այն է, որ պատրաստ եմ ուրիշին վարակել։ Այս պայմաններում դիմակ չկրելը որոշակի անպատասխանատվության դրսևորում է ոչ այնքան սեփական անձի, որքան դիմացինի նկատմամբ»,- ասաց վարչապետը։
