ԱՄՆ դեսպանատունը Լոռու և Շիրակի մարզերի մանկապարտեզներին տրամադրել է 151 ինֆրակարմիր ջերմաչափ
Օրերս ԱՄՆ դեսպանատան ռազմական համագործակցության գրասենյակը Լոռու և Շիրակի մարզերի մանկապարտեզներին տրամադրեց 151 ինֆրակարմիր ջերմաչափ և հավելյալ մարտկոցներ։ Այս նվիրատվությունը կատարվել է ԱՄՆ Եվրոպական հրամանատարության Մարդասիրական աջակցության ծրագրի կողմից։ Ջերմաչափերն անհրաժեշտ են համավարակի շրջանում մանկապարտեզների աշխատանքն ապահով կազմակերպելու և ռիսկերը մեղմելու նպատակով։ Մանկապարտեզների անունից ջերմաչափերը ստացան Լոռու մարզպետի տեղակալ Ռուբեն Խանզադյանը և Շիրակի մարզպետի տեղակալ Անի Մաղաքյանը։
