444 հոգի գտնվում է ծանր վիճակում, 131 հոգի՝ ծայրահեղ ծանր վիճակում. նախարար

 444 հոգի գտնվում է ծանր վիճակում, իսկ 131 հոգի՝ ծայրահեղ ծանր վիճակում, որից 39-ը՝ թոքերի արհեստական օդափոխության սարքերի վրա։ Այս մասին կառավարության այսօրվա նիստին հայտարարեց Առողջապահության նախարար Արսեն Թորոսյանը։

«Մենք ապացուցել ենք, որ փողոցում դիմակ կրելը պաշտպանում է: Երբ որ մենք նայում ենք զրուցարանում նստած մեր տարեց քաղաքացիների նարդի խաղալուն, միայն դիմակն է, որ իրենց պաշտպանելու է, այս պարզ գիտակցմանը մինչև չհասնենք, չենք կարողանալու դիմակայել այս մարտահրավերին», - ասաց նա։

Թորոսյանի խոսքով՝ այսօր առավոտյան 09։00-ի դրությամբ ունենք 143 հոգի, որ կարիք ունի հոսպիտալիզացիայի, որից 25-ը գտնվում է տանը։

«Ինը թեթև ծանրության է, 16-ը միջին ծանրության է», - ասաց նախարարը։