Ծառուկյանի կալանքի միջնորդությամբ նիստը հետաձգվեց
Քիչ առաջ Գագիկ Ծառուկյանը դուրս եկավ Շենգավիթ վարչական շրջանի ընդհանուր իրավասության դատարանից, որտեղ քննվում էր Ծառուկյանին կալանավորելու միջնորդությունը: Ծառուկյանը չպատասխանեց լրագրողների հարցերին և շտապեց նստել մեքենան:
Փաստաբան Երեմ Սարգսյանը լրագրողների հետ զրույցում նշեց, որ ժամանակ են խնդրել քրեական գործին ծանոթանալու համար, վաղը կշարունակվի դատական նիստը ժամը 16:30-ից: «Վաղվա նիստից հետո կպատասխանենք ձեր հարցերին, այս պահին որևէ տվյալ չունենք գործի նյութերից»,- ասաց նա:
