Ի՞նչ տարբերություն ՀՀԿ-ի և ԲՀԿ-ի միջև․ ներկայացնում է վարչապետը

Շատ է խոսվում, թե բա ինչո՞ւ «ՀՀԿ»-ի թույլ տված ընտրակաշառքների դեպքերը նույնկերպ չեն բացահայտվում, ինչպես հիմա «ԲՀԿ»-ի դեպքում Այս մասին, այսօր՝ հունիսի 17-ին, ԱԺ-ում հարցուպատասխանի ժամանակ նշեց ՀՀ վարչապետ Նիկոլ Փաշինյանը:

«Նախ ուզում եմ հիշեցնել, որ հեղափոխությունից հետո «Զիբիլիքսի» գործով դատավճիռ կա: Այո, ես կարող եմ համաձայնել, որ դա ողջ խորությամբ չի բացահայտվել, բայց դրա համար եղել են որոշակի պատճառներ: Եթե հավատանք քննությանը, եւ եթե վերագրվող հանցագործությունը ճիշտ է, ես վերլուծելով հասկանում եմ մի բան. Ի՞նչ տարբերություն ՀՀԿ-ի եւ ԲՀԿ-ի միջեւ: ԲՀԿ-ի պարագայում ծախսվել է հիմնականում մեկ մարդու փողեր, եւ այդ փողերի ծախսման արդյունքում պետք է եղել հաշվետու լինել հետո, թե ինչպես ծախսվեց այդ փողերը: Իսկ ՀՀԿ-ի դեպքում ամեն մեկն իր կոռուպցիոն փողն է ծախսել, միայն ձայնն է հաշվեետու եղել՝ բերեցի այսքան ձայն, թե չբերեցի:

ՀՀԿ-ի կոռուպցիոն համակարգի կառուցվածքն ուրիշ է եղել, ամեն մեկն իր գողացած փողն է ծախսել, հետեւաբար, փողային հաշվետվություն չի տվել»,-ասաց Փաշինյանը: Նա միաժամանակ ընդունելի համարեց այդ հարցադրումը. «Ես այդ քննադատությունն ընդունում եմ՝ բա ՀՀԿ-ի ընտրակաշառքի համակարգն ինչի՞ չի բացվում: Այո, մեր իրավապահների առաջ պետք է խնդիր դնել եւ այս գործի շրջանակներում պետք խորանալ այնքան, մինչեւ բոլորինն էլ բացահայտվի: Կոռուպցիան իր ամենավերջին «ղազագրով» պետք է այս հողից արմատախիլ անել եւ անելու ենք: