Խաղաղասիրության ինդեքսում Հայաստանը զգալի բարելավել է դիրքերը՝ զբաղեցնելով 99-րդ տեղը։ Այն հայտնվել է դեղինով նշված երկրների շարքում, որտեղ խաղաղասիրության մակարդակը գնահատվում է միջին։ Հայաստանի խաղաղասիրության գլոբալ ինդեքսը կազմում է 2.135 կետ, այսինքն՝ մեր երկիրը 15 հորիզոնականով բարելավել է դիրքերը։ Խաղաղասիրության մակարդակով աշխարհում առաջին տեղը զբաղեցնում է Իսլանդիան։  Իսլանդիային հաջորդում են Նոր Զելանդիան, Պորտուգալիան, Ավստրիան և Դանիան։

IEP-ի ցուցակը կազմված է 163 երկրից։ Զեկույցի համաձայն՝ մինչդեռ 81 երկրում խաղաղասիրության մակարդակը բարձրացել է, 80 երկրում իջել է։ Ադրբեջանը դիրքերը բարելավել է 12 հորիզոնականով և հայտնվել 120-րդ տեղում։ Պատճառը Ղարաբաղյան հակամարտության հարաբերական կայունացումն է։ Նշվում է, որ վերջին խոշոր, բաց կոնֆլիկտը եղել է 2016 թվականի ապրիլի քառօրյա պատերազմը։