ՈՒՂԻՂ. Վերին Դվին. վարչապետը ծանոթանում է գյուղատնտեսական աշխատանքներին

ՀՀ վարչապետ Նիկոլ Փաշինյանն այսօր Արարատի մարզում է, ծանոթանում է գյուղատնտեսական աշխատանքներին: 

«Վերին Դվին. ծանոթանում եմ հակակարկտային համակարգի աշխատանքին»,- վարչապետը ֆեյսբուքյան իր էջում ներկայացրել է այցը։ 

Տեսնելով հավաքված բազմությանը՝ վարչապետը հարց ուղղեց՝ ինչո՞ւ են այդքան հավաքվել, իմացե՞լ են, որ ինքը գալու է: 

«Տո չէ, մենք միշտ էլ տենց ենք»,- պատասխանեցին վարչապետին: 

Հարցին՝ «կարելի՞ է այդքան հավաքվել մեկ տեղում», հնչեց պատասխան. 

«Հեռավորությունը պահում ենք, պարո’ն վարչապետ»: 

Գյուղացիները վարչապետին դիմեցին մտահոգությամբ, որ ունեն վարկային վատ պատմություն և չեն կարողանում աշխատել, սակայն ֆինանսավորման կարիք կա: