«Էս ծառը, ցոգոլը իսկական ա, չէ՞: Ասում եք՝ բերք չկա, ծառը թափում ա». Նիկոլ Փաշինյան
«Ասում եք՝ բերք չկա, եկել ենք ծառի տակ, ծառը թափում ա: Գյուղացու ու ձկնորսի պատմությունն ա, ձկնորսը միշտ չափազանցնում ա»: Արարատի մարզի Վերին Դվինում գյուղացիները վարչապետ Նիկոլ Փաշինյանին դիմեցին մտահոգությամբ, որ այս տարի բերք չկա: Վարչապետը կանգ առավ մի ծիրանենու մոտ, ցույց տվեց ծառի առատ բերքը, նշեց. «Սա իմ այցի կապակցությամբ չի սարքվել, չէ՞: Էս ծառը, ցոգոլը իսկական ա, չէ՞: Հիմա բացատրեք՝ ո՞նց ա, որ էս ծառի վրա բերք կա, չորս ծառ էն կողմ չկա, ինչի՞ չկա: Էս ծառի տերը հաստատ «վերևներում» ծանոթ ունի»,- ասաց նա: Վարչապետը հետաքրքրվեց՝ ի՞նչ օբյեկտիվ գործոններ կան, որ դեր են խաղում, որոնց պատճառով իրար կողք գտնվող ծառերից մեկն առատ բերք է տալիս, մյուսը՝ ոչ: Վարչապետին հայտնեցին, որ դեր է խաղում հողը, ծառի տարիքը, մշակման ձևը և բազմաթիվ այլ գործոններ:
