Կորոնավիրուսն աշխարհում. վիճակագրական տվյալներ

Աշխարհում կորոնավիրուսից մահացել է 239,604 մարդ, ապաքինվել՝ 1,081,676-ը։ Ընդհանուր առմամբ մինչ օրս վարակվել է 3,401,225 մլն մարդ։ 
Worldometer միջազգային վիճակագրական ծառայության հաղորդմամբ՝ ներկայում աշխարհում կա 2 մլն-ից ավելի ակտիվ դեպք։ Բուժում ստացող պացիենտներից 51,355-ի վիճակը ծանր է։  ԱՄՆ-ը շարունակում է վարակակիրների (1,131,452) ու մահվան դեպքերի թվով (65,776) մնալ առաջատար։ 
Իսպանիայում մինչ օրս վարակվել է 242,988 մարդ, մահացել ՝24,824-ը։ Իտալիայում վիրուսն ախտորոշվել է ընդհանուր՝ 207, 428 մարդու մոտ, որից 28,236-ը մահացել է։  Հակառեկորդային աղյուսակի չորրորդ և հինգերորդ տեղերում են հայտնվել Միացյալ Թագավորությունը (177,454 վարակակիր, 27,510 մահ) ու Ֆրանսիան (167,346 վարակակիր, 24,594 մահ):