Վատ իմաստով ռեկորդային թիվ ենք ունեցել, ծայրահեղ ծանր վիճակում է 17 քաղաքացի. նախարար

Առողջապահության նախարար Արսեն Թորոսյանը կառավարության նիստի ժամանակ անդրադարձել է վերջին 1 օրում երկրում գրանցված վարակման դեպքերի թվին:

«Վատ իմաստով ռեկորդային թիվ ենք ունեցել այսօր։ Արհեստակաան շնչառության սարքերին միացված է  6 քաղաքացի, ծայրահեղ ծանր վիճակում գտնվում է 17 քաղաքացի, ծանր վիճակում 59»,-ասել է նախարարը։

Նշենք, որ ապրիլի 30-ի՝ ժամը 11:00-ի դրությամբ երկրում հաստատվել է կորոնավիրուսից մահվան 2 դեպք: Պացիենտները եղել են 47 և 69 տարեկան: Նրանցից մեկն ունեցել է ուղեկցող քրոնիկական հիվանդություններ:

Ապրիլի 30-ի՝ ժամը 11:00-ի դրությամբ հաստատվել է կորոնավիրուսային հիվանդության ընդհանուր 2066 դեպք, որոնցից 929-ն` առողջացած, 32-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 1103 պացիենտ: Ընդհանուր առմամբ, կատարվել է 21125 թեստավորում: