Վրացական կողմի խնդրանքով Հայաստանը երեք օրով կբացի ցամաքային միջանցքը Վրաստանի քաղաքացիների համար: Այդ մասին «Նովոստի Գրուզիային» հայտնել են ԱԳՆ-ից: Նշվում է, որ հայրենիք վերադարձող Վրաստանի քաղաքացիները հաճախ են օգտվում Մինսկ-Երևան տարանցիկ երթուղուց:

Մասնավորապես, մայիսի 1-ին, 8-ին և 15-ին Վրաստանի քաղաքացիները Երևան կժամանեն «Բելավիա» ավիաընկերության չվերթով: Վրաստանի արտգործնախարարությունը կապահովի Երևանից ուղևորների Վրաստան մեկնումը հայրենիք ավտոբուսներով:

Վրաստանի արտաքին գործերի նախարարության հաղորդմամբ՝ եթե Վրաստանի քաղաքացիները որոշեն հայրենիք վերադառնալ Երևանով, նրանք պետք է նախապես կապ հաստատեն վրացական հյուպատոսության հետ, որպեսզի իմանան ժամանողների հստակ թիվը:

Հայրենիք վերադառնալուց հետո Վրաստանի քաղաքացիերը կանցնեն բժշկական զննություն, ինչից հետո 14 օր կարանտինում կգտնվեն: