Կադաստրի կոմիտեից տեղեկացնում են, որ Կադաստրի կոմիտեի սպասարկման բոլոր գրասենյակները, բացառությամբ «Վարդենիս» սպասարկման գրասենյակի, ապրիլի 28-ից կվերսկսեն աշխատանքները։

Գրասենյակներում շարունակում են ընդունել միայն դիմումների հետևյալ տեսակները.

Գույքի նկատմամբ իրավունքների և սահմանափակումների պետական գրանցման,

Իրավունքի դադարման պետական գրանցման,

Անշարժ գույքի հասցեի գրանցման,

Անվանափոխման վերաբերյալ գրառման կատարման,

Գույքի նկատմամբ գրանցված իրավունքների առկայության մասին,

Ներկայացված փաստաթղթերի հետ վերադարձի,

Նոր վկայականի տրամադրման,

Սխալների ուղղման,

Վարույթի դադարեցման,

Փաստաթղթերի պատճենների տրամադրման։

Բացի վերոնշյալ տեսակի դիմումներից, մնացած դիմումներն առայժմ կընդունվեն www.e-cadastre.am էլեկտրոնային կայքի միջոցով։

Կոմիտեից հայտնում են, որ այն անձանց, ովքեր ունեն փաստաթղթերը էլեկտրոնային եղանակով ստորագրելու հնարավորություն, հորդորում ենք բոլոր դիմումներն անխտիր ներկայացնել www.e-cadastre.am էլեկտրոնային կայքի միջոցով։

Միաժամանակ տեղեկացնում, որ ներկայացված դիմումների հիման վրա կազմված բոլոր ավարտական փաստաթղթերը (բացառությամբ` պատճենների և հետ վերադարձված փաստաթղթերի) հնարավոր է ստանալ միայն www.e-cadastre.am էլեկտրոնային կայքի միջոցով։